|
اروپا ته د
افغانستان د ملي ګوند د مشرتابه هيئت کاري سفر
د ۲۰۰۷ م کال د اکتوبر د مياشتې
په لومړۍ اونۍ کې محترم عبدالرشيد آرين دافغانستان د ملي ګوند مشر او ښاغلی
ميرعبدالرحمان صدري د ملي ګوند مرستيال اروپا ته د يوه کاري سفر په لړ کې
راورسېدل .
دوی د اکتوبر په ۱۱ نېټه د
سويډن د مالمو ښار ته تشريف . د محترم عبدالرشيد آرين او ورسره هيئت ته په
سويډن کې د ميشتو روښانفکرانو اودده د ګوند مينه والو لخوا تود هرکلی وويل شو
.
محترم عبدالرشيد آرين مخکې لدې
چې مالمو ته تشريف راوړي د جرمني او ډنماک په هيوادونو کي د زياتو افغاني
روښان فکرانو مخورو ملي شخصيتونو، د ملي ګوند مينه والو سره کاري ليدنې او
کتنې درلودې .
د ملي ګوند مشرانو په ډنمار ک
او المان کې د افغانانوسره د افغانستان د اوسني سياسي نظامي، او نورو
اړونده ملي او حياتي مسئلو باندې پراخې څېړنې او بحثونه وکړل. اود
افغانانو پوښتنو ته په پوره حوصلې ځوابونه وويل شوه . چي د برخه والو د تايد
وړ وګرځېدل. همدارنګه نوموړي ګوندي مشرتابه په ډنمارک کي د سوسيال دموکرات
ګوند وياند سره ځانګړې ليدنې درلودې چې دواړه خواوو د افغانستان په روانو
حالاتو او شته ستونزو وغږېدل . دواړو ګوندونو په دې اړوند ورته نظر در لوده
او وعده وشوه چې په راتلونکي کې به تماسونه ساتي .
کله چې محترم ګوندي هيت د سويډن
د مالمو ښارته د کاري پلان له مخې راغلل دوی د څلورو ورځو په تېرولو سره د ګڼ
شمېر افغاني روښانفکرانو ملي شخصيتونو، پخوانيو ګونديانو ، بې پرې خلکو او په
سويډن کې د سوسيال دموکرات ګوند داستازي او په پارلمان کې ددې ګوند نماينده
اغلې Hylliv
Larsson
سره په هغه غونډه کې ليدنه
وکړه کوم چې د مېشتو افغانانو لخوا په ۱۴ د اکتوبر دهولمې په ښوونځي کې
جوړه شوې وه چې چارې يې د ښاغلي احمد اندړ له خوا پر مخ بېول کېدی .
نوموړې سياست پوهې په خپلو
خبرو کې د خپل ګوند په استازيتوب وعده وکړه چې دافغانستان د موجودو ستونزو په
هلکه به د سويډن په پارلمان کې خپل غږ پورته کوي او هم يې د ملي ګوند
مشرتابه ته وويل چې دواړه ګوندونه به په را تلونکي کې خپلې اړيکې ساتي او د
افغانستان په اړوند به سره همېشني تماسو نه ټينګوي. وروسته محترم عبدالرشيد
آرين او محترم عبدالرحمان صدري د مېشتو افغانانو سوالونو ته په پراخه حوصله
ځوابونه وويل چې برخوالو له خوا د تايد وړ وګرځيدل او ټولو وعده وکړه چې د
افغانستان د موجودو ستونزو په حل کې لازمه ونډه واخلي. محترم آرين د خپل ګوند
موقف اود نورو ګوندنو سره د اتحاد او يوالي په اړوند دتيرو او راتلونکو دندو
په هکله د خپل ګوند موقف د غونډي برخوالوته څرګند کړ . په نتيجه کې د غونډی
د برخوالو د تايد وړ وګرځيد.
همدارنګه د ملي ګوند مشر په
سويډن کې د افغانانو علمي او فرهنگي مرکز په هغه درنه غونډه ګډون وکړو کوم چې
ددې ټولنې لخوا د کوچني اختر په وياړ جوړه شوې وه . ددغې ټولنې د رئيس ښاغلي
حبيب الله غمخور له خوا ښاغلی آرين ته بلنه ورکړل شوه ترڅو ددغې محفل ګډون
کوونکو ته وينا او د اختر مبارکي ووايي . ښاغلي آرين افغانانو ته لنډه وينا او
د اختر د ورځې مبارکي وړاندې کړه .محترم آرين او مرستيال يې په دې څلورو ورځو
کې د زياتو افغانانو سره ځانګړې او جمعي ليدنې درلودې .
د معلوماتو له مخې محترم
عبدالرشيد آرين او مرستيال يې ښاغلی عبدالرحمان صدري د خپل سفر په لړکې د
ناروې هېواد اوسيدونکو افغانانو، هالينډ او يو لړ نورو هېوادو ته کاري
سفرونه لري چې د نوموړو د سفر په هکله به ټول رپوټ وروسته د لوستونکو په
اختيار کې ورکړل شي.
په درنښت
محمد اقا شيرزاد
مالمو سويډن |
